king mzo0o0n
● ° الإدارهـ°●
عدد الرسائل : 170 العمر : 29 مزاجي : ][نقاط التميز][ : 9 تاريخ التسجيل : 19/08/2008
بطاقتك الشخصيه sms:
| موضوع: آلـحـ[ـلـ]ـم الخميس نوفمبر 27, 2008 5:23 am | |
| أول ما رجعت من السفر ما شفتلك بين
و أنا إلي كنت أحبك قبل أدوس أرض المطار ابتجين
تكونين إنت أول شخص عيني تحتضن عينه
و كنت أتخيلك من زود فرحة رجعتي تبكين
و أشوف بدمعتك حكيك و أعرفه قبل تحكين
و أجيب أحلا من إلي بتحكينه و أتركك تحكين
تقولين الوطن نور و أقول بنور مغلينه
تقولين غديت أحلا و أقول عيونك الحلوين
كلام نام بشفاهك و خفتي لا تصحينه
نهرتيه الغرام إلي نام و يتركك تصحين
تغانمتي غيابي لين رجحتي موازينه
تعلم من إيدك لمس الكفوف و علمك تجفين
و ليتك لاقيه فيه شي فيني ما تلاقينه
مو هو بغرور لكن خابرك مالك أمل تلقين
تغافلتي بغلاه و لا حلاه مو هو من زينه
بس تزينه الصور و الصحيح إبن الحلال زوين
و انا ماني بناقص عنه إنك تبدينه
نصيبي هو نصيبي لو يسددها من الصوبين
قنوعك مظهري و السم ما يذبح ثعابينه
على قل المثل ماني حلو لكن ماني بشين
إذا أهداك الزهر مره فأنا هديتك بساتين
و إذا أهداك الفرح ليله فأنا تهت البكاتي سنين
و إذا أضعفتك أملاكه و شتتك ملايينه
أنا حتى فتات الخبز أقسمها معك نصين
طموح بس أجي و أظفر بشي تستحقينه
تدينتة تسلفته سرقتهـ مو مهم من فينـ
كأني من كثر ما ارضى بكل إلي تتمنينه
لو إنك تطلبين الله يعنيني بقول آمين
أنا ما ألعب على الحبلين وقت الطيش و سنينه
تبيني الحين يوم إني كبرت ألعب على الحبلين
ترى عند البدو بالذات عيب إلي تسوينه
حياتك لا عشقتين ابتعشقين ليوم الدين
غرام يسكن ضلوعه حشيمه من مجانينه
جفا يجمع معزتنا و لا عشق يذل إثنين
اكثار إلي تحدوني و قالولي تحبينه
أمانه لا تخليني صغير في عينهم تكفين
لأنهم كل ما قالوا خاينه أقول مسكينه
عليك الله علميهم من هو المسكين
أنا خايف إن طاح الجمل تكثر سكاكينه
و انا ما عادت ضلعي تحمل طعنة السكين
مثل ما قالوا المكتوب واضح من عناوينه
لو ارحل منك للغربه بسافر من ظلامك وين
كفايه كل حلم يمر في مرادي تزورينه
كفايه من تفارقنا و أنا ما غمضتلي عين
قبل يومين شفتك في المنام و قمت من حينه
و نمت أمس و رجع نفس المنام إلي من يومين
للشآعر الكبير
حآمد زيد م ـنقول | |
|